بہترین خصلت یہ ہے کہ زبان کی حفاظت کر۔
پیٹ بھر کر کھانا بیماری کی جڑ اور پرہیز ساری بیماری کا علاج ہے۔
خیر یہی ہے کہ شر سے باز آ۔
عظمت صرف ایک فیصد ودیعت کی جاتی ہے اور ننانوے فیصد اپنی محنت اور ریاضت سے ملتی ہے۔
سچائی کی مشعل جہاں بھی دکھائی دے اس سے فائدہ اٹھاؤ یہ نہ دیکھو کہ مشعل بردار کون ہے۔
جب معدہ بھر جاتا ہے تو قوت فکر کمزور ہو جاتی ہے اور حکمت و دانش کی صلاحتیں گونگی۔
مہمان کے لیے زیادہ خرچ کرنا اسراف میں شامل نہیں۔
حق کا پر ستار کبھی ذلیل نہیں ہوتا چاہے سارا زمانہ اس کے خلاف ہو جائے۔
باطل کا پیروکار کبھی عزت نہیں پاتا چاہے چاند اس کی پیشانی پر نکل آئے۔
جب رسول اللہ صلی اللہ علیہ وسلم سے کوئی بات روایت کرو تو دیکھ لیا کرو کہ کیا کہتے ہو۔
عورت کو ایسا زیور نہیں پہننا چاہیے جس سے آواز پیدا ہو۔