Ashburn , US
29-03-2024 |20 Ramaḍān 1445 AH

باطل

تفصیل: حضرت علی علیہ السلام نے فرمایا، میں باطل کو ایسی نقب لگاؤں کا کہ حق اس کے پہلو سے ظاہر ہوجائے گا۔

الإمامُ عليٌّ (عَلَيهِ الّسَلامُ): فَلأَنقُبَنّ الباطِلَ حتّي يَخرُجَ الحقُّ مِن جَنْبِهِ.

حوالہ: (شرح نہج البلاغہ ابن ابی حدیث جلد ۲ ص ۱۸۵)

تفصیل: حضرت علی علیہ السلام نے فرمایا، حق ایسا راستہ ہے جو جنت کی طرف لے جاتا ہے، اور باطل ایسا راستہ ہے جو جہنم کو لے جاتا ہے، پھر ہر راستے پر اس کا بلانے والا موجود ہوتا ہے،

الإمامُ عليٌّ (عَلَيهِ الّسَلامُ): الحقُّ طريقُ الجنّةِ، والباطلُ طريقُ النّارِ، وعلي كُلِّ طريقٍ داعٍ .

حوالہ: (نہج السادۃ جلد ۳ ص ۲۹۱)

تفصیل: حضرت علی علیہ السلام نے فرمایا، جس نے باطل کی نصرت کی اس نے حق پر ظلم کیا،

الإمامُ عليٌّ (عَلَيهِ الّسَلامُ): ظَلَمَ الحقَّ مَنْ نَصرَ الباطلَ.

حوالہ: (غررالحکم حدیث ۶۰۴۱)

تفصیل: حضرت علی علیہ السلام نے فرمایا، یاد رکھو! حق اور باطل کے درمیان صرف چار انگشت کا فاصلہ ہے، باطل یہ ہے کہ تو کہے کہ میں نے سنا ہے، اور حق یہ ہے کہ تو کہے کہ میں نے دیکھا ہے۔

الإمامُ عليٌّ (عَلَيهِ الّسَلامُ): أمَا إنّه ليسَ بينَ الحقِّ والباطلِ إلّا أربَعُ أصابِعَ ... الباطلُ أنْ تقولَ: سَمِعتُ، والحقُّ أنْ تقولَ: رَأيْتُ.

حوالہ: (شرح نہج البلاغہ ابن ابی حدید جلد ۳ ص ۲۴۰)

تفصیل: حضرت علی علیہ السلام نےفرمایا، اگر باطل حق کی ملاوٹ سے صاف ہو سکتا ہو تو پھر حق کے طلبگاروں کے اندیشے بھی ختم ہو جائیں، اسی طرح اگر حق باطل کی آلائشوں سے پاک ہو جائے تو دشمنوں کی زبانیں بھی بند ہو جایئں لیکن کیا کیا جائے کچھ ادھر سے لے لیا جاتا ہے اور کچھ ادھر سے اور انہیں آپس میں غلط ملط کر دیا جاتا ہے۔

الإمامُ عليٌّ (عَلَيهِ الّسَلامُ): فلَو أنَّ الباطلَ خَلَصَ مِن مِزاجِ الحقِّ لَم يَخْفَ علَي المُرتادِينَ، ولَو أنَّ الحقَّ خَلَصَ مِن لَبْسِ الباطلِ انْقَطَعتْ عنه ألْسُنُ المُعانِدينَ، ولكنْ يُؤخَذُ مِن هذا ضِغْثٌ ومِن هذا ضِغْثٌ.

حوالہ: (شرح نہج البلاغہ ابن ابی حدید جلد ۳ ص ۲۴۰)

تفصیل: حضرت علی علیہ السلام نے فرمایا، کتنی ایسی گمراہیاں ہیں جن کی آیات کے ساتھ ملمع کاری کی گئی ہے جیسے تانبے کے (کھوٹے) درہم کی چاندی سے ملمع کاری کی گئی ہو،

الإمامُ عليٌّ (عَلَيهِ الّسَلامُ): كَم مِن ضَلالةٍ زُخْرِفَتْ بآيةٍ مِن كتابِ اللّه‏ِ كما يُزَخْرَفُ الدِّرْهَمُ النُّحاسُ بالفِضَّةِ المُمَوَّهَةِ!

حوالہ: (غررالحکم حدیث ۶۹۶۹)

تفصیل: امام جعفر صادق علیہ السلام نے فرمایا، دل کبھی یقین نہیں کرتا کہ حق باطل ہو اس طرح قطعاً یہ بھی یقین نہیں کرتا کہ باطل حق ہے،

الإمامُ الصّادقُ (عَلَيهِ الّسَلامُ): لا يَستَيقِنُ القلبُ أنَّ الحقَّ باطلٌ أبداً، ولا يَستَيقِنُ أنَّ الباطلَ حقٌّ أبداً .

حوالہ: (تفسیر عیاشی جلد ۲ ص ۵۳ حدیث ۳۹)

تفصیل: امام جعفر صادق علیہ السلام نے فرمایا، خداوندِ عالم نے باطل کو حق کی صورت میں متعارف کرانے سے انکار کر دیا ہے اور مومن کے دل میں حق کو باطل قرار دینے سے بھی اس میں کسی قسم کا کوئی شک ہی نہیں نیز مخالف کافر کے دل میں باطل کو حق کی صورت میں قرار دینے سے بھی انکار کر دیا ہے اور اس میں کسی قسم کا کوئی شک نہیں اگر خداوندِ عالم ایسا نہ کرتا تو حق کی باطل سے پہچان مشکل ہی نہیں نا ممکن تھی،

الإمامُ الصّادقُ (عَلَيهِ الّسَلامُ): أبَي اللّه‏ُ أنْ يُعَرِّفَ باطلاً حقّاً، أبَي اللّه‏ُ أنْ يجْعَلَ الحقَّ في قلبِ المؤمنِ باطلاً لا شكَّ فيهِ، وأبَي اللّه‏ُ أنْ يَجعَلَ الباطلَ في قلبِ الكافرِ المُخالِفِ حقّاً لا شَكَّ فيهِ، ولَو لَم يَجْعَلْ هذا هكذا ما عُرِفَ حقٌّ مِن باطلٍ .

حوالہ: (بحارالانوار جلد ۵ ص ۳۰۳ حدیث ۱۲)