برج حمل: آج آپ کو من پسند تبدیلیاں بروئے کار لانے کا بہترین موقع میسر آسکے گا۔اس کے علاوہ آپ جو بھی کام انجام دینا چاہیں گے آپ کو ان میں کامیابی مل سکے گی۔آج کا دن کسی بھی قسم کے امتحانات میں کامیابی کے لئے بہت زیادہ مددگار ثابت ہو سکے گا اور آپ غیر متوقع طور پر دوسروں سے آگے نکل سکیں گے۔آج آپ کے جذباتی امور میں بھی سکون اور اطمینان کا دور دورہ ہوگا جبکہ آپ کی جذباتی تسکین بھی باآسانی ہو سکے گی اور اگر آپ اپنے محبوب کے ساتھ یادگار وقت گزارنا چاہتے ہیں تو آج کا دن بہت معاون ثابت ہو سکے گا لیکن ایسے حالات میں اپنے پیاروں کی ضروریات کا خیال رکھنا بہت ضروری ہوگا۔
برج ثور : آج اپنے دوستوں کے ساتھ موجودہ تعلقات کا جائزہ گہرائی سے لینے کی ضرورت کا احساس جنم لے سکے گا ۔اس کے علاوہ کسی دوست کی جانب سے آپ کو سخت سبق سکھایا جا سکتا ہے جس کی وجہ سے آپ کی سوچ میں وسعت پیدا ہو سکے گی جبکہ آپ کو دنیاداری کے بارے میں مزید جاننے کا نہ صرف اشتیاق پیدا ہوگا بلکہ اپنی کم علمی یا معلومات میں کمی کا احساس بھی ہو گا۔اپنے آپ کو صرف پیسہ بنانے والی مشین نہ بنائیں بلکہ سماجی حیثیت میں بہتری لانے اور اپنی عزت میں اضافہ کے لئے بھی اپنی تعلیم پر توجہ دیں اور انسانی بنیاد پر دوسروں سے روابط مضبوط بنانے کی کوششوں کو عملی شکل دینے کی تحریک شروع کریں۔
برج جوزا : اگر آپ کی سوچ اور عملی کاوشیں صرف اپنے طے کردہ راستے پر ہی گامزن رہیں تو سمجھ لیجئے کہ آپ کو اپنے اہداف کے حصول میں دیر نہ لگے گی۔آپ کی بہترین عملی سوچ آپ کی کامیابی کا زینہ ثابت ہو گی جس سے فائدہ اٹھا کر آپ کوئی بھی نیا کاروبار شروع کر سکیں گے۔اگرآپ کو اپنے کسی دوست یا جاننے والے کی جانب سے کسی نئے کاروبار میں شمولیت کی دعوت ملے تو اسے قبول کرنے میں جلدبازی سے کام نہ لیں۔خاص کرکوئی حتمی فیصلہ آج بالکل نہ کریں۔اس بارے میں اگر آپ اپنے بزرگوں یا شریک حیات سے مشاورت کر کے کوئی فیصلہ کریں گے تو یقینی طور پر آپ کو اس کے زیادہ فوائد حاصل ہو سکیں گے۔
برج سرطان: آج حالات بہتر ہونے کی وجہ سے آپ کو کسی نئے کاروبار کا آغاز کرنے یا موجودہ کاروبار میں مزید استحکام لانے کا موقع مل سکے گا جبکہ طے شدہ اہداف کے حصول میں بھی مایوسی نہ ہوگی بلکہ اپنی منصوبہ بندی کی وجہ سے کوئی ایسا کام شروع کر سکیں گے جس سے آپ اپنی سماجی زندگی کے نئے دور میں داخل ہو سکیں گے جبکہ آپ کی جذباتی یا امنگوں بھری زندگی کا بھی نیا سلسلہ شروع ہو سکے گا۔آپ کی عمدہ اور مدلل گفتگو دوسروں کو اپنے نظریات سے آگاہ کرنے،انہیں قائل کرنے کے علاوہ اپنے خیالات کے ساتھ ہم آہنگ کرنے میں آپ کی مددگار ثابت ہو سکے گی۔کسی کاروباری سفر کا پروگرام بھی بنا سکیں گے لیکن پنی رقم کو خرچ کرنے میں محتاط رہنا ضروری ہوگا۔
برج اسد: آج آپ کو اپنے سماجی حلقے میں ضرورت سے زیادہ اہمیت حاصل ہو سکے گی جس کی بناء پر آپ کو اپنے التواء کا شکارمعاملات کو مکمل کرنے اور الجھے ہوئے مسائل کو حل کرنے کا موقع بھی میسر آ سکے گا۔آپ اپنے دوستوں سے نہ صرف ملاقات کر سکیں گے بلکہ ان سے مشاورت کرکے اپنے ذاتی امور کو بھی سلجھا سکیں گے۔آپ کا کوئی مجوزہ کاروباری منصوبہ جو پہلے سے آپ کے ذہن میں موجود تھا آج بہت واضح شکل اختیار کرکے آپ کو عملیت پسندی کی جانب گامزن کر سکتا ہے۔اگر اب بھی اس منصوبے کو عملی شکل دینے میں آپ کو کسی قسم کا شک ہے تو کسی تجربہ کار فرد سے مشاورت کر کے اپنے شکوک و شبہات کودور کیا جا سکتا ہے۔
برج سنبلہ: آج آپ کی خوشیوں کی ابتدا اپنے کسی قریبی عزیز کی جانب سے موصول ہونے والے کسی تحفے سے ہو گی جس کی وجہ سے آپ کو بہت خوشی محسوس ہو سکے گی۔علاوہ ازیں دن بھر کی مصروفیات کے بعد شام میں اپنے دوستوں سے ملاقات ہو سکتی ہے جس میں آپ کے پیاروں کی شمولیت بھی ضروری ہوگی۔جس سے آپ کا وقت بہت یادگار گزرے گا۔آج آپ کواپنی وجدانی صلاحیتوں پر بھروسہ کرتے ہوئے اپنے موجودہ کاروبار یا ملازمت کے بارے میں فیصلہ کر نا ہوگا جبکہ اپنے معمولات میں پیدا ہونے والی عجلت پسندی کو معمول کے مطابق لانے کے بعد آپ کو اپنے خاندان کے بزرگوں کی خبر گیری کی کوشش بھی کرنی چاہئے۔
برج میزان: آج آپ کو اپنے اہداف کے حصول میں کامیابی ملنے کی وجہ سے اپنے پیاروں ،قریبی دوستوں اور خاص کر اپنی شریک حیات کی جانب سے تعریف کے الفاظ سننے کو مل سکتے ہیں۔ان کیفیات میں اپنے درپیش مسائل کے حل کے لئے اپنی کوششوں میں تیزی لانے،ان مسائل کو حل کرنے اور انکی ترجیحی فہرست بنانے کا موقع مل سکتا ہے جبکہ اپنی ذاتی زندگی میں تبدیلیاں لانے میں بھی کامیاب ہو سکیں گے لیکن اپنے وقت کا مناسب استعمال یقینی بنائیں۔آج جو بھی کام کریں گے اس میں کامیابی آپ کے قدم چومے گی۔آپ کی مالی حالت اچھی نہ ہونے کے باوجود آپ بڑی آسانی سے اپنی سرگرمیوں کے اختتام تک اپنی مالی حالت کو بہتر بنا سکیں گے ۔
برج عقرب: آج کا دن کاروباری شراکت داری،نئے معاہدے کرنے اور اپنے اہم کاغذات پر دستخط کرنے کے لئے بہترین دن ثابت ہو سکتا ہے۔ اس کے علاوہ اپنا کاروباری اور ذاتی تجزیہ بھی کر سکتے ہیں۔اپنے اہم معاملات کے بارے میں فیصلے کرتے وقت اپنی شریک حیات سے مشاورت ضرور کریں اور ممکنہ حد تک اسکی خواہشات کا احترام کریں۔اپنے دل میں بسنے والے کسی فرد سے ملاقات کے لئے جانے سے گرمجوش محبت حاصل ہو سکے گی۔آج آپ کی تمام تر توجہ اپنے گھریلو معاملات کی درستگی کی جانب مبذول ہو گی جس کو مد نظر رکھنے سے آپ کی شریک حیات بہت خوش ہوگی کیونکہ تمام تر معاملات اس کی خواہش کے مطابق ہی ترتیب پا رہے ہونگے۔
برج قوس: آج آپ کی عمدہ گفتگو کی صلاحیت بہت سے دیگر افراد سے بہت زیادہ بہترہونے کی وجہ سے اپنے معاملات کو نمٹانے میں کامیابی حاصل کر سکیں گے۔اس کے علاوہ اپنے سماجی تعلقات کو بہتر بنانے میں بھی کامیاب رہیں گے جبکہ اپنی گھریلو ذمہ داریوں کو پورا کرنے میں بھی آسانی کے ساتھ کامیابی میسر آ سکے گی۔آج اپنے مستقبل کی مزید بہتری کے لئے بہترین منصوبہ بندی کر سکیں گے جس کی بناء پر آپ کی شریک حیات اور آپ کے کاروباری پارٹنر بھی بہت زیادہ متاثر ہو نگے۔اپنے حلقہ احباب میں شامل احباب سے اپنے معاملات پر مشاورت کرکے بہتر فیصلے کرنے کے علاوہ ان پر عمل کرکے اپنے لئے مالی مفادات بھی حاصل کر سکیں گے۔
برج جدی: آج آپ کو مواقع حاصل ہو سکیں گے کہ اپنے پرانے مالی معاملات کو باآسانی نمٹا سکیں اور اگر کوئی مسئلہ درپیش ہے تو اسے بھی حل کر سکیں ۔اپنے موخر شدہ امور میں سے کوئی ایسا جس کی وجہ سے آپ بہت پریشان رہے ہیں آج اسے پایہ تکمیل تک پہنچاسکیں گے۔آج کسی دوست کی جانب سے پارٹنر شپ کی پیشکش ہونے سے کسی نئے کاروبار میں شمولیت اختیار کر نے کا موقع مل سکے گا۔اپنے نظریاتی احباب کے علاوہ اپنے قریبی دوستوں کے گروپ کو مضبوط بنانے کا موقع بھی میسر آسکے گا جبکہ اپنے سماجی روابط کو بھی بہتر بنا نا ممکن ہوگا۔آج آپ کو اپنے ستاروں کے مثبت اثرات سے ہر حال میں فائدہ اٹھانے کی کوشش کرنی چاہئے۔
برج دلو: آج آپ کے سامنے بہت سے مسائل ایک ساتھ آنے سے آپ کے لئے مشکل پیش آ سکتی ہے کہ کس کام سے ابتداء کی جائے اور کس کام میں آپ کو فائدہ مل سکے گا؟ اگر آپ احتیاط سے کام لیں اور تھوڑی توجہ دیں گے تو معلوم ہو سکے گا کہ آپ کی مالی مشکلات ہی اصل میں آپ کے تمام مسائل کی جڑ ہیں اور انہی کی وجہ سے بہت سے معاملات انتشار کا شکار بھی ہیں ۔ان معاملات کو حل کرنے کے لئے آپ بہت جذباتی ہو سکتے ہیں جبکہ آپ کو کسی طرح کی پریشانی سر پر سوار نہ کرنی چاہئے کیونکہ آج آپ کے عزائم بلند ہونے کے علاوہ آپ کی لگن بھی مضبوط ہوگی جس سے تمام اہداف حاصل کر سکیں گے۔اس لئے کسی مالی خدشے کو مدنظر نہ رکھیں۔
برج حوت: آج آپ کو اپنے گھر میں کئی قسم کی تبدیلیاں کرنے کے مواقع میسر آئیں گے اور آپ کی اپنی خواہش بھی یہی ہو گی کہ آپ کچھ ایسا ہی کر سکیں مگر آپ کو یہ یقین نہیں ہوگا کہ آپ کی شریک حیات بھی ان سب تبدیلیوں کو پسند کرے گی ؟ایسے میں کسی بھی سوچ کو عملی جامہ پہنانے سے پہلے اپنے جملہ امور کی ترجیحات طے کر لیں تاکہ آپ کے خیالوں میں پایا جانے والا ابہام دور ہوسکے۔آج آپ کو اپنے خیالات کا برملا اظہار کرکے کسی کا دل نہیں دکھانا چاہئے بلکہ انتہائی خاموشی سے دوسروں کی باتوں کو نہ صرف سننا چاہئے بلکہ ان کی باتوں پر غور کرنا چاہئے اصل میں وہ کہنا کیا چاہتے ہیں اور ان کا اصل مطمع نظر کیا ہے؟
