برج حمل: آج صبح سے ہی آپ بہت زیادہ پر اعتماد اور تواناء جذبات کی وجہ سے بہت تازہ دم ہوں گے جس کی وجہ سے اپنے جاری منصوبوں کے علاوہ اپنے مستقبل کی بہتری کے بارے میں کچھ نئے منصوبوں کا بھی آغاز کر سکیں گے۔اپنے حقیقی آئیڈیاز کی وجہ سے آپ کو کامیابی کا حصول مشکل نہ ہوگا لیکن اپنی جذباتیت کی وجہ سے دوسروں سے بحث و تکرار نہ کریں کیونکہ اس سے باہمی تعلقات میں رخنہ اندازی ہو سکتی ہے جس سے بات دلوں میں بھی بیٹھ سکتی ہے جو مستقبل میں آپ کے لئے نقصان دہ ثابت ہو سکتی ہے۔آپ کی صلاحیتوں کی قدر کی جائے گی لیکن ممکنہ طور پر کوئی پرانا جذباتی مسئلہ دوبارہ سے سامنے آنے سے آپ کا دن برباد بھی ہوسکتا ہے۔
برج ثور : آج آپ کو اپنے مالی حالات کو بہتر بنانے کا موقع مل سکے گا لیکن آپ کو محتاط رہتے ہوئے اپنے باقی ماندہ مسائل کو بھی حل کرنا ہوگا کیونکہ اس کی وجہ سے ہی آپ کی کامیابی کی بنیاد استوار ہو سکے گی۔اپنے آپ کو قیاس آرائیوں سے دور رکھیں اور اپنے مثبت خیالات کی وجہ سے اپنے مالی مفادات کو بہتر بنالیں۔آج آپ کو کسی پارٹی میں شمولیت کا موقع میسر آ سکتا ہے جس میں آپ کاشمولیت سے گریز مکمل انکار کی صورت بھی اختیار کر سکتا ہے۔ جس کی وجہ سے آپ کی اپنے پیاروں سے تو تکار بھی ہو سکتی ہے۔اپنے آپ کو کسی اضطرابی کیفیت سے بچانے کے لئے دوسروں کی بات سننے کی کوشش بھی ضرور کریں تاکہ ان کی بھی اشک جوئی ہو سکے۔
برج جوزا : آج اپنے معمولات کی ادائیگی کے لئے آپ بہت پرعزم اور باعتماد ہوں گے لیکن آپ کو اپنے قریبی افراد کی ضروریات کو کسی صورت نظر انداز نہیں کرنا چاہئے ورنہ آپ پر سست الوجود اور لاپرواہ ہونے کا الزام بھی لگ سکتا ہے۔آپ کو اپنے معاملات میں محتاط رہنا ہوگا تاکہ کسی طرح کی کوئی قانونی قباحت پیدا نہ ہو۔باہمی سماجی تعلقات کے استحکام کے لئے کسی قربانی کے لئے تیار رہیں کیونکہ مروت کا بوجھ آپ ہی کو اٹھانا پڑے گا۔کسی پرانے مسئلے کے بارے میں دوسروں کی رائے بے شک نہ سنیں مگر اس رائے کی حقیقت جاننے سے گریز نہ کریں۔بیرون ملک سفر کی تیاری کرنے کا موقع بھی مل سکتا ہے اور عملی طور پر سفر کرنے کا بھی۔
برج سرطان: آج صبح میں آپ کسی سمارٹ اور خوبصورت فرد سے مل سکیں گے اور حقیقی طور پر محبت کا تیر آپ کے دل کے پار ہو سکے گا کیونکہ آپ پہلی نظر میں ہی اس کا شکار بن چکے ہیں۔اپنے آپ کو زیادہ سرگرم عمل ہونے سے بچائیں اور ہر کام میں اپنے وجدان پر ہی بھروسہ کرنے کی کوشش کریں۔آج آپ کو اپنے پیار محبت کے تعلقات میں کسی فوری تبدیلی کی ضرورت کا احساس ہو سکتا ہے جس کی وجہ سے آپ اپنے مالی لین دین کو بھی بنظرِ غائر چیک کرنے کی کوشش کر سکتے ہیں کیونکہ آنے والے دنوں کے بارے میں آپ کے ذہن میں کئی ابہام موجودہ ہیں جنہیں واضح کرنے میں آپ اپنے تمام وسائل بھی خرچ کرنے پر تیار نظر آ ئیں گے۔
برج اسد: آج آپ کو پیسے کمانے کے بہت سے مواقع میسر آ سکیں گے جن کی وجہ سے آپ باآسانی اپنی مالی حیثیت کو مستحکم کر سکیں گے لیکن اس کیلئے آپ کو اپنی بے بنیاد قیاس آرائیوں پر قابو پانا ہوگا۔آپ کے دوست احباب آ پ کی عملی مدد کرنے کیلئے تیار ہوں گے لیکن آپ کو اپنے کسی تجربہ کار رشتہ دار کی باتوں یا ہدایت کو لازمی مدنظر رکھنا ہوگا تاکہ معاملات کو باآسانی نمٹا سکیں اور کسی رکاوٹ کی وجہ سے اپنے ہدف کے حصول میں دوسروں سے پیچھے نہ رہ جائیں مگر محتاط رہیں کیونکہ آج ممکنہ طور پر کسی بھی ایک کام پر اپنی توجہ مبذول رکھنا مشکل ہو سکتا ہے کیونکہ ایک ساتھ بہت سے کام اکٹھے کرنے کی کوشش کر سکتے ہیں جس کا نتیجہ ناکامی کی صورت میں بھی نکل سکتا ہے۔
برج سنبلہ: آج آپ کی مالی حالت تسلی بخش نہ ہونے کی وجہ سے آپ کو اپنے مالی حالات کو بہتر بنانے کے لئے نئے ذرائع تلاش کرنے ہوں گے جس کے بعد ہی آپ کو مالی پریشانیوں سے نجات مل سکے گی۔آپ میں پائی جانے والی خود اعتمادی اور خطرات مول لینے کی صلاحیت آپ کو جذباتی بنا سکتی ہے اور ممکنہ طور پرآپ کئی قسم کے خطرات مول لینے کی کوشش بھی کر سکتے ہیں۔آپ کو اپنے معاملات کے علاوہ اپنے فرائض کی ادائیگی میں بھی بہت زیادہ محتاط رہنا ہوگا اور ہر قسم کی قانونی مشکلات کو سامنے رکھتے ہوئے اہداف کے حصول کی کوششیں جاری رکھنی ہوں گی۔آج کسی قسم کے رومانس کا موقع سامنے آنے سے آپ کے لئے درپیش مسائل سے نمٹنا آسان نہ ہوگا۔
برج میزان: آج آپ کے معمولات میں سماجی تعلقات پر زور رہے گا جس کی وجہ سے آپ کا ارادہ اپنے دوست احباب کی طرف جانے کا بھی ہو سکتا ہے یا پھر کچھ مہمان آپ کے ہاں بھی آ سکتے ہیں۔اپنے جذباتی معاملات کے بارے میں آپ کا کوئی تجربہ کار رشتہ دار آپ کو خاصی معلومات فراہم کرنے کے علاوہ اس صورتحال سے باہر نکلنے کے لئے مشورے بھی دے سکتا ہے۔اگر آپ ان مشوروں کی افادیت کو مدنظر رکھیں گے تو یقینی فوائد کا حصول ممکن بنا سکیں گے۔اپنے آپ کو مثبت خیالات سے مزین رکھیں اور ہر حال میں منفی خیالات سے خود کو بچانے کی کوشش کریں۔مادی مفادات کے بارے میں تکرارہونے سے آپ کے پیاروں کو غصہ بھی آ سکتا ہے۔
برج عقرب: آج گھمبیر صورتحال کی وجہ سے ذہنی طور پر الجھاؤ کا شکار ہو سکتے ہیں لیکن جلد ہی ان معاملات پر قابو پانے میں کامیاب بھی ہو سکیں گے ۔آج کسی نئی کاروباری سرگرمی کا آغاز کرنے کے علاوہ اپنے موجودہ معاملات کو خودہی نمٹانے کی کوشش کرسکیں گے ۔اس کے علاوہ آپ کو کسی کاروباری دورے پر جانا ہوگا جبکہ نئی سرمایہ کاری کی وجہ سے پریشانی ہوسکتی ہے۔اپنی ذات پر چھائے ہوئے منفی اثرات ختم کرنے کی کوشش کریں۔دوسروں سے اپنے باہمی معاملات پر بات چیت کا سلسلہ جاری رکھیں ورنہ کسی غلط فہمی کا شکار ہو سکتے ہیں۔ان باتوں کے باوجود آپ کے تعلقات اپنے پیاروں کے ساتھ بہترین رہیں گے لیکن آپ کو شدید ردعمل سے گریز کرنا چاہئے۔
برج قوس: آج ملنے والی کسی خبر کی وجہ سے آپ کے لئے اپنے پیار محبت کے معاملات کو نمٹانا یا کوئی اہم فیصلہ کرنا انتہائی آ سان ہو سکے گا کیونکہ اس سے آپ کا ذہن کھلے گا اور آپ سوچ بچار کر سکیں گے۔اپنے معاملات کے بارے میں جلد بازی یا عجلت پسندی پر مبنی کوئی قدم نہ اٹھائیں اور نہ ہی بلا سوچے سمجھے کوئی کام سرانجام دیں بلکہ اپنی وجدانی صلاحیتوں کو استعمال میں لاکر زیادہ سے زیادہ فائدہ حاصل کرنے کی کوشش کریں۔آج آپ کو کسی قریبی رشتہ دار کی جانب سے مالی اعانت یا قرض کے بارے میں کہا جاسکتا ہے۔ اگر آپ استطاعت رکھتے ہیں توایسے موقع پر آپ کو اس فرد کی مدد لازمی طور پرکرنی چاہئے اور اگر یہ کسی کی صحت کا معاملہ ہو تو لازماً یہ کام کرنا چاہئے۔
برج جدی: آج حالات کے بارے میں سوچنا اور سمجھداری سے کام لے کر اپنے معاملات کو آگے بڑھانا آپ کے لئے فائدہ مند ثابت ہو سکے گا جبکہ دوسروں سے بات چیت کے دوران اپنی عمدہ گفتگو کرنے کی صلاحیت سے بھر پور فائدہ اٹھا سکیں گے۔آج آپ اپنی کاروباری صلاحیت کو بروئے کار لا کر مالی مفادات کے حصول کا راستہ ہموار کر سکتے ہیں۔آپ کو کسی کاروباری دورے پر جانے کا موقع بھی مل سکتا ہے جس کی وجہ سے آپ کا پارٹنر آپ سے حسد بھی کر سکتا ہے اس لئے اپنے پروگراموں کو اپنے آپ تک ہی محدود رکھیں اور کسی بھی قسم کے جوشیلے فیصلے کرنے سے گریز کریں کیونکہ ان کی وجہ سے آپ کے لئے مشکلات پیدا ہو سکتی ہیں۔
برج دلو: آج اپنے گھریلو معاملات میں جنم لینے والی کسی جذباتی صورتحال کی وجہ سے آپ بہت جوشیلے اور متحرک ہو سکتے ہیں اور بعض امور میں تو خاصے شدید رد عمل کا اظہار بھی کر سکتے ہیں جس کی وجہ سے آپ کے لئے خود پر قابو پانا بھی ممکن نہ رہے گا۔اسی وجہ سے آپ کے حالات میں کوئی پیچیدگی بھی پیدا ہو سکتی ہے جس کی وجہ سے آپ کو کافی مشکلات کا سامناہو سکتا ہے۔اپنے موجودہ امور کی جانب توجہ دیتے ہوئے اپنے خیالات کا واضح اظہار کرنے سے گریز کریں۔اپنے آپ کو کسی بھی جھگڑے سے بچانے کے لئے خود پر قابو رکھیں اور اپنے لہجے اور رویے میں نرمی پیدا کرنے کی کوشش کریں یعنی دوسروں کی مزاجی کیفیات کو سمجھنے کی کوشش لازمی کریں۔
برج حوت: آج اپنے ذاتی مفادات کے حصول کے لئے آپ کو کئی ایک نئے مواقع میسر آ سکیں گے جنہیں اپنے لئے فائدہ مند بنانے کی کوشش آپ کو از خود ہی کرنی ہوگی۔آپ بہت زیادہ حساس ہونے کی وجہ سے کسی معمولی بات پر بھی اپنے رد عمل کا اظہار کرسکتے ہیں۔اپنے آپ پر فخر کرنے کی وجہ سے آپ کا کسی سے جھگڑا ہو سکتا ہے جس سے بچنے کے لئے حالات کی نزاکت کو سمجھنا ضروری ہوگا۔اپنے ضدی پن پر قابو پانے کی کوشش کریں اور دوسروں سے محاذ آرائی یا مقابلہ بازی پر مبنی کسی پروگرام میں شرکت بھی نہ کریں۔اپنے آرام و سکون کا خیال رکھتے ہوئے اپنے آپ کوموجودہ اضطرابی کیفیات سے بچانے میں باآسانی کامیاب ہو سکیں گے۔
