برج حمل: آج کسی اہم مالی منصوبے کی بہتری کیلئے طے شدہ ملاقات منسوخ ہوجانے کی وجہ سے آپ کو سخت غصہ آ سکتا ہے اور ممکنہ طور پر ذہنی دباؤ کا سامنا بھی ہو سکتا ہے۔ ایسے میں اپنے جذبات پر قابو رکھیں ورنہ کسی پیچیدہ صورتحال میں مبتلا ہو سکتے ہیں۔ اپنے پیاروں سے بات چیت کے دوران اپنا لہجہ دھیما رکھیں کیونکہ تلخی کی وجہ سے لڑائی بھی ہو سکتی ہے اور باہمی تعلقات میں بھی خلل آ سکتا ہے۔آج ایسے اقدامات کرنے سے بھی باز رہیں جو بعد میں آپ کے لئے پریشانی کا باعث بن سکتے ہیں۔اپنی صحت کا خاص خیال رکھیں کیونکہ کوئی بڑی مشکل پیش آ نے کے بعد اپنی جان ہی سب سے بڑا سہارا ہوتا ہے اسلئے سوچ سمجھ کر عملی اقدامات کرنے کی کوشش کریں۔
برج ثور : آج صبح سویرے اپنے کسی دوست کی بدزبانی کی وجہ سے آپ کا دل ٹوٹ سکتا ہے اور ذہنی تناؤ کا شکار بھی ہو سکتے ہیں لیکن آپ کو اپنے حوصلے جوان رکھتے ہوئے اپنے ایم اہداف کی جانب توجہ دینی چاہئے جبکہ آپ کے پیاروں کے ساتھ آپ کے تعلقات بہت بہتر رہیں گے اور آپ کا دل بہلانے اور اعتماد بحال کرنے کے لئے کچھ عملی کوششیں بھی کی جا سکتی ہیں۔آج سب سے زیادہ اپنی توجہ اس جانب مبذول کریں کہ اپنے مخلص احباب سے کوئی بھی بات نہ چھپائیں بلکہ سب کچھ انکے سامنے رکھیں اور اپنے معاملات کی وضاحت بھی لازمی کریں کیونکہ کسی قسم کی سستی اور لاپرواہی سے کام لیں گے تونتیجہ بہت برا اورنقصان دہ ہو سکے گا۔
برج جوزا : آج اپنے کسی شریک کار کی بددیانتی کی وجہ سے آپ کا دل دکھ سکتا ہے اور آپ کو محسوس ہوگا کہ جیسے آپ پر بد اعتمادی کی گئی ہے یا آپ کو بے ایمان سمجھا گیا ہے۔اس کی وجہ سے آپ کچھ الگ سے فیصلے کرنے پر مجبور بھی ہو سکتے ہیں۔آپ کو اپنے جذبات قابو میں رکھتے ہوئے کسی قسم کی نئی سرمایہ کاری سے اجتناب برتنا چاہئے کیونکہ آج کا دن نئی سرمایہ کاری کے لئے مناسب یا فائدہ مند نہیں ہے۔شام میں دوسروں کی مدد کرنے کے لئے اپنے آپ کو تیار رکھیں لیکن اپنے آپ کو ذہنی دباؤ سے بچانے کی کوشش بھی کریں اور اس کے علاوہ دوسروں کی خامیوں کی تلاش میں اپنا وقت برباد نہ کریں۔اپنے آپ کوہر حالت میں پرسکون رکھیں ۔
برج سرطان: آج کسی قریبی عزیز کی بیماری کی خبر آپکو پریشان کر سکتی ہے جبکہ اپنے آپکو ذہنی تناؤ سے بچانے اور اپنے اہداف کے حصول کی کوششوں پر توجہ مبذول کرنے میں کامیابی ممکن نہ ہوگی جس کی وجہ سے اپنے اہم فیصلوں کوملتوی کرنا بہتر رہےگا۔اپنے قریبی افراد میں سے سینئر افراد سے کسی بھی معاملے پر بحث و تکرار سے بچنے کی کوشش کریں ۔اسکے علاوہ آج ڈرائیونگ کرنے اور کئی ایک اہم اقدامات کو عملی شکل دینے سے گریز کریں کیونکہ آپ کی توجہ بھٹک رہی ہوگی اور ایک نقطے پر اسے مرکوز کرنا مشکل ہوگا جس کی وجہ سے آپ کا حادثہ بھی ہو سکتا ہے۔ آپ اپنی ذمہ داریوں کی انجام دہی میں دوسروں سے بہتر کارکردگی کی کوشش میں خود کو نڈھال نہ کریں۔
برج اسد: آج آپ اپنے تمام اہم امور اور کاروباری ملاقاتوں کو ملتوی کردینا چاہیں گے جبکہ کچھ اہم افراد کے ساتھ ملقات کا نیا شیڈول بھی طے ہو سکے گا۔اپنے کسی عزیز کی تعلیمی ضروریات کے لئے آپ کو کچھ رقم ادھار بھی دینی ہو گی جبکہ شام میں کوئی رشتہ دار بیرون ملک جانے سے قبل آپ سے ملنے بھی آ سکتا ہے لیکن آپ کو کسی بھی حالت اور وجہ سے اپنے حالات و واقعات سے خوفزدہ نہیں ہونا چاہئے بلکہ اپنی ہر بات کاکھل کراظہارکرنا چاہئے۔آج اپنی تخلیقی صلاحیتوں سے کام لےکراپنی منزل کوحاصل کرنے میں بہت اہم کامیابی کی جانب سفر کا آغاز سست روی سے کر سکیں گے۔ اپنے دوستوں سے گپ شپ کرنے کے بعد ہی سکون اور تازگی محسوس کر پائیں گے۔
برج سنبلہ: آج آپ میں بدمزاجی اور بے زاری کی کیفیات اپنے نقطہ عروج پر ہونے کی وجہ سے آپ کو ہر چیز بری لگے گی جبکہ آپ دوسروں پر بے جا تنقید کرنے میں بھی کوئی لحاظ نہیں رکھیں گے۔اس کے علاوہ آپ کے پیار محبت کے تعلقات بھی تناؤ کا شکار رہیں گے۔ایسے میں آپ کو اپنی تنقیدی صلاحیت کا کم سے کم استعمال کرنا چاہئے ورنہ بہت سے معاملات بگڑ سکتے ہیں۔کسی دوسرے شہر سے آنے والے کسی رشتہ دار سے شام میں بحث و مباحثہ کے علاوہ تلخ کلامی بھی ممکن ہے۔اپنے کام پر توجہ دے کر اپنے آپ کومطمئن اور پر سکون بنانے کی کوشش کریں یا پھر خوب آرام کرکے اپنا موڈ بحال کرنے کی کوشش کریں۔
برج میزان: آج اپنے ساتھی سے کوئی بھی ناخوشگوار خبر سن کر پریشان ضرور ہو سکتے ہیں لیکن دوسروں کے سامنے اظہار کرکے انہیں بھی پریشان کرنے سے بچیں۔ آپ کو اپنی کمزور جسمانی حالت کی وجہ سے اپنے آپ کو انتہائی عرق ریزی اور جا ن توڑنے والے منصوبوں سے خود کو دور رکھنا ہوگا۔اس کی وجہ سے آپ کے ساتھ کام کرنے والے افراد بھی آپ کی ملامت کر سکتے ہیں کیونکہ بہت سے معاملات آپ کو پریشان کر سکتے ہیں۔اپنے آپ کو کسی قسم کی تلخ کلامی سے بچائیں اور آرام کرکے اپنے آپ کو پرسکون بنانے کی کوشش کریں۔آپ اگرآج بھی ماضی کوساتھ لیکرمستقبل کی تعمیرکرناچاہ رہے ہیں تویقینا ماضی کے تجربات آپ کوگائیڈ کر سکیں گے۔
برج عقرب: آج ستاروں کے اثرات کی وجہ سے کچھ انجانے معاملات سامنے آنے سے آپ کے پیار بھرے رشتے متاثر ہو سکتے ہیں جبکہ اپنے دوستوں کے ساتھ طے شدہ ملاقاتیں منسوخ ہونے کی وجہ سے باہمی تعلقات بھی خراب ہو سکتے ہیں ۔آج اپنے گھر کو بنانے،سنوارنے اور اسکی تزئین و آرائش کرنے کیلئے بہترین دن ہے۔آپ اپنے وجدان پر بھروسہ کرتے ہوئے اپنے اہم امور کی انجام دہی باآسانی کر سکیں گے۔اسکے علاوہ اپنے اردوں میں تبدیلی لائے بغیرمثبت خیالات کیساتھ آگے بڑھیں اور جی بھرکے کامیابیاں سمیٹ لیں آپ خواہش مندہونگے کہ اپنے پیاروں سے جی بھر کے دل کی باتیں کریں اور ساتھ میں کچھ نئے تعلقات کی داغ بیل بھی ڈال سکیں۔
برج قوس: آج آپ میں ستاروں کے منفی اثرات کی وجہ سے بدمزاجی اور بے چینی کی کیفیات حاوی ہو سکتی ہیں جس کی وجہ سے آپ کو دوسروں سے کسی بھی قسم کا لین دین کرنے حتٰی کہ کسی بھی طرح کی بات چیت کرنے کو بھی دل نہ چاہے گا۔اپنے شریک حیات کی فضول خرچی کی وجہ سے آپ کو سخت غصہ بھی آ سکتا ہے جبکہ کسی چیز کے مناسب جگہ پر نہ ہونے یا گم ہونے کی وجہ سے بھی آپ کو تکلیف ہو سکتی ہے۔اپنی جذباتی کیفیات پر قابو رکھیں اور کسی صورت بھی اپنی مزاجی کیفیت کو منفی رنگ اختیار نہ کرنے دیں۔اس کے علاوہ اپنے اہم کاموں کونمٹانے میں جلدبازی مت کریں کیونکہ اس سے ھالات مزید خرابی کی طرف ہی جائیں گے۔
برج جدی: آج اپنے سینئرز کی وجہ سے آپ کو اپنا طے شدہ شیڈول مکمل طور پر تبدیل کرنا پڑے گا لیکن اپنے آپ کو ذہنی طور پر دباؤ کا شکار نہ بنائیں کیوکہ یہ سب عارضی کیفیات ہیں اور بہت جلد ختم ہو جائیں گی اسلئے کسی قسم کا فکر نہ کریں۔آج کسی طویل سفر کی تیاری نہ کریں اور نہ ہی عملی قدم اٹھائیں اور اگر مجبوراً ایسا کرنا پڑے تو اپنی قیمتی اشیاء اور ضروری کاغذات کی انتہائی نگہداشت کریں۔آج آپ کواپنے گھریلومعاملات میں بھر پو ر توجہ دینا بھی ضروری ہو گاتاکہ مستقبل کے بارے میں اہم اورضروری فیصلے کرکے اپنی بنیادکومضبوط بناپائیں ۔آج کچھ غیر متوقع حالات کی وجہ سے آپ اپنی ذہنی صلاحیتوں کا مناسب استعمال نہ کر پائیں گے۔
برج دلو: آج اپنے گھر میں کسی بھی قسم کی تبدیلی لانے کے اپنی شریک حیات کے منصوبے سے آپ کا اختلاف کسی بھی قسم کی لڑائی جھگڑے کی ابتدا بن سکتا ہے۔آپ کو اپنے غصے اور جذبات پر قابو پا کر خود کو نارمل بنانا ہوگا اور زیادہ مشکل ہوتو اپنے قریبی افراد سے مشاورت کر لیں۔اسکے علاوہ اپنی مصروفیات کو کم کرنے کی کوشش کرکے اپنے آپ کو پرسکون بنانے کی کوشش لازمی کریں کیونکہ زیادہ پریشانیوں کی وجہ سے آپکا کوئی حادثہ بھی ہو سکتا ہے۔اسکے علاوہ آج آپ یہ بھی محسوس کریں گے کہ شایدہرایک آپ سے کچھ نہ کچھ چھپا رہاہے۔ اوریہی چیزیاسوچ آپکو ذہنی دباؤ کا شکار بھی بنا سکتی ہے۔ کوشش کرکے اپنی پریشانیوں سے اپنے معاملات کو متاثر نہ ہونے دیں۔
برج حوت: آج آپ کو اپنے جذباتی اور مالی شعبے میں کسی بھی قسم کی رکاوٹوں کا سامنا کرنا پڑے گا جس کی وجہ سے آپ سخت ذہنی دباؤ کا شکار ہو سکتے ہیں ایسے میں اپنے اوسان بحال رکھیں اور کسی قسم کے ذہنی دباؤ کو حاوی نہ ہونے دیں۔اپنے دوستوں اور عزیز و اقارب کے مشوروں کو اہمیت دینے سے آپ کو فائدہ ہو سکے گا۔آپ کواس وقت ضرور حیرت ہوگی جب آپکوشام سے پہلے ہی سے غیرمتوقع طور پرمدد حاصل ہو سکے گی۔دوسروں سے شراکت داری کے معاملات کو آج ملتوی رکھیں اوران مواقع سے فائدہ اٹھانے کا خواب بھی نہ دیکھیں۔کسی بھی مسئلے پر اپنے ساتھیوں یا غیرمتعلقہ افراد کے ساتھ بحث و مباحثہ کر نے سے بھی احتراز کریں۔
