برج حمل: آج آپ کو اپنے افسرانِ بالا یا اربابِ اختیار سے کسی بھی قسم کے بحث و مباحثہ سے بچنا چاہئے۔اس کے علاوہ اپنے اندر پیدا ہونے والے شکوک و شبہات یا بے بنیاد خدشات کو بھی اپنے قریب نہ آنے دیں۔ویسے بھی ستاروں کے اثرات کی وجہ سے آج آپ کا دل کسی سے بھی بات کرنے کو نہیں چاہے گا اور نہ ہی آپ کو کوئی چیز اچھی لگے گی۔ایسے حالات میں اپنے اہم فیصلوں کو عملی شکل دینے کی کوشش اور کسی لمبے سفرکا منصوبہ ترک کردیں اس کے علاوہ اپنی کاروباری ملاقاتوں سے بھی گریز کریں ۔ہاں ایسے وقت میں یا ایسے جذبات کے ساتھ اپنے گھریلو ماحول میں توجہ مبذول کرنے سے آپ کو بہت سے دیگر معاملات میں بھی کامیابی مل سکے گی۔
برج ثور : آج اپنے آپ کو پرجوش ہونے سے بچاکر مکمل طور پر پرسکون رہنے کی کوشش کریں کیونکہ حالات کے دباؤ کی وجہ سے آپ میں چڑچڑا پن پیدا ہوسکتا ہے جو آپ کے انتشار کی بنیادی وجہ بھی بن سکتا ہے اور یہی بات آپ کی شریک حیات کو پسند نہیں آئے گی جس سے باہمی تلخی بھی ہو سکتی ہے۔ آپ کے پاس کرنے کو بہت کچھ موجود ہونے کے باوجود آپ کا دل کچھ بھی کرنے کو نہیں چاہے گا۔آپ کو اپنا آپ بوجھل محسوس ہونے کی وجہ سے آپ میں سستی اور کاہلی کے جذبات حاوی نظر آ سکتے ہیں ۔ایسے حالات میں کسی قسم کے خطرات مول لینے کی کوئی ضرورت نہیں ہوگی کیونکہ آپ کی کامیابی کے امکانات معمول سے بہت کم ہوں گے۔
برج جوزا : آج آپکے ستاروں کا اجتماع آپ کو بہتر انداز میں زندگی گزارنے کا شعور دینے کی کوشش کرے گا جس کی وجہ سے آپ کا ذہن انتشار کا شکاربھی ہوسکتا ہے۔اسکے علاوہ آپکے دور درازکے رشتہ داروں کی جانب سے آپکو کوئی ایسی خبر بھی مل سکتی ہے جس سے آپ کافی پریشان ہونے کے بعد اپنے دن بھر کے طے شدہ شیڈول پر عمل کرنے سے قاصر نظر آئینگے اور یقینی طور پرآپ کے معمولات بھی التواء کا شکار ہو جائیں گے۔آپ کو شائد آج کسی غیر متوقع طویل سفر پر بھی جانا پڑے۔ایسے وقت میں آ پ کو گاڑی چلانے میں بہت زیادہ محتاط رہنا ہوگا جبکہ ٹریفک کے قوانین پر بھی عمل پیرا ہونا ضروری ہوگا لیکن ہر حال میں آ پ کو کامیابی کیلئے پر امید رہنا ہوگا۔
برج سرطان: آج آپ کوکسی شارٹ کٹ سے رقم کمانے جیسی سوچوں کے پیچھے بھاگنے کی بجائے اپنی محنت اور اپنے عملی منصوبوں پر عمل کرنے کے بعد ہی کامیابی کی توقع رکھنی چاہئے ۔اس سے آپ کے مستقبل کے پروگراموں کو تقویت بھی مل سکے گی اور آپ دلی طور پر مطمئن بھی ہو سکیں گے۔اس کے علاوہ آج آپ کو سب سے زیادہ توجہ اپنے گھریلو امور پر دینی ہوگی جبکہ اپنی ذمہ داریوں یا فرائض کو بخوبی نبھانے کی کوشش بھی کرنی ہوگی۔اگر آپ کو اپنے بہت سے کام ایک ساتھ شروع کرنے سے فرصت ملے تو یہ بات آپ کی سمجھ میں آسکے گی کہ مختلف نوعیت کے کئی کاموں پر بیک وقت توجہ دینا ممکن نہیں ہوگا اور نہ ہی یہ کامیابی کا پیش خیمہ ثابت ہوسکتا ہے۔
برج اسد: آج صورتحال کو مدِ نظر رکھتے ہوئے اپنے اعتماد کو قائم رکھنے کی ہر ممکنہ کوشش کرنے میں ہی آپکی بہتری ہے۔اسکے علاوہ اپنے آپکو بے چینی اور اضطراب سے بچانے کی کوشش کریں اور اپنے مسائل کے حل میں اپنے مخلص اور سینئرافراد کی ہدایات پر عمل کرنے کی کوشش کریں کیونکہ اپنے آپ کو مشکلات سے بچانے اور بہت سے مسائل سے خود کو دور رکھنے کی کوشش کر نا آپ کیلئے فائدہ مند ثابت ہوگی جبکہ اپنے شکوک و شبہات پر قابو پانا بھی ضروری ہوگاکیونکہ اس کے بعد ہی آپ اپنے توہمات اور بے بنیادخدشات سے جان چھڑاسکیں گے۔آپ کو اپنی توجہ صرف اپنے مالی معاملات پر ہی مبذول رکھنی ہوگی تاکہ باقی ماندہ امور انتشار کا شکار نہ ہو جائیں۔
برج سنبلہ: آج اپنے آپ کو منتشر خیالات سے بچا کر ہی اپنے شریک کار کے ساتھ متوقع تلخ کلامی سے بچ سکیں گے۔آپ کو اپنے ساتھی کے ساتھ جا کر ہی خریداری کرنی چاہئے تاکہ آپ دوسروں کے شکوک و شبہات سے محفوظ رہ سکیں ۔آپ کے رویے میں ظاہر ہونے والی تنقیدی صلاحیت کی وجہ سے آپ کے بہت سے دوست آپ سے دور جانے پر مجبور ہو جائیں گے یعنی اس صلاحیت کی وجہ سے آپ کے موجودہ سماجی تعلقات خراب بھی ہو سکتے ہیں۔اپنے آپ کو دوسروں کیلئے قابل قبول بنانے کی کوشش کر سکیں گے۔آپ کے اندر بلاضرورت کچھ کام کرنے کی خواہش پیدا ہوسکتی ہے جس میں فضول خریداری یا رقم کا بے جا اصراف بھی شامل ہو سکتا ہے۔
برج میزان: آج اپنے آپ کو مالی مشکلات کا شکار بننے سے بچانے کی کوششوں میں کامیابی مل سکتی ہے ۔اپنے آپ کو پریشانی سے بچاکر پرسکون رہنے کی کوشش کریں اور اس کے بعد پورے اعتماد اور یقین کے ساتھ آگے قدم بڑھائیں پھر ہی کامیابی کی خواہش پوری کرسکیں گے۔اپنے فرائض کی ادائیگی کے دوران اپنے ساتھیوں سے کسی قسم کی بھی تلخی یا جھگڑا کرنے سے گریز کریں۔آج کسی بھی قسم کے اہم فیصلے کو حتمی شکل نہ دیں اور نہ ہی کسی معاہدے پر دستخط کریں۔آپ کو اپنے مالی حالات کے بارے میں شکوک و شبہات سے بچنے کی کوشش کرنی چاہئے جبکہ دوسروں کی زبانی سنی سنائی باتوں پرکسی طوراعتبار نہ کریں تاکہ پر سکون رہ سکیں۔
برج عقرب: آج آپ کو کسی قسم کے خطرات مول لینے کی کوشش نہیں کرنی چاہئے کیونکہ کسی بھی قسم کے ذہنی دباؤ کی وجہ سے آپ کی جذباتی زندگی متاثر ہو سکتی ہے۔ان حالات اور ستاروں کے منفی اثرات سے بچاؤ کے لئے آپ کو کسی بزرگ فرد کے مشوروں پر عمل کرنا ضروی ہو گا۔آپ کے سامنے دوسروں کی جانب سے بہت ساری تحریص بھری پیشکشیں سامنے لائی جا سکتی ہیں جس کی وجہ سے آپ بھی مالی سرمایہ کاری کی جانب راغب ہو سکتے ہیں جبکہ ایسا کرنا آپ کے لئے فائدہ مند تو درکنار کسی صورت مالی نقصان سے بچاؤ کا زریعہ بھی نہ بن سکے گاکیونکہ حقیقت میں آج کا دن کسی بھی قسم کی کاروباری سرگرمی کے لئے مناسب نہیں ہے۔
برج قوس: آج آپ کے پاس اصل میں اپنے معاشی اور مالی معاملات کے بارے میں پریشان ہونے کی کوئی حقیقی وجہ موجود نہیں ہوگی اس لئے اپنے آپ کو پریشان کرنے سے گریز کریں۔اس کے علاوہ آپ کو اپنے کسی بزرگ رشتہ دار یا قریبی فرد کی جانب سے معقول رقم وصول ہوسکتی ہے جس کے بعد آپ کا موڈ خود بخود ٹھیک ہو جائے گا چونکہ آج صبح سے ہی آپ کاموڈ بہتر نہ ہونے کی بناء پر آپ میں بہت سے معاملات کے بارے میں ضدی پن اور ہر بات میں ردعمل کا اظہار آپ کی شخصیت کو مجروح کرنے کا باعث بھی بن سکتا ہے اس لئے اپنے ارد گرد موجود افراد کے علاوہ اپنے قریبی افراد سے ہر بات میں بحث و مباحثہ کرنے سے حتی الامکان گریز کریں۔
برج جدی: آج اگر آپ کو اپنے ذاتی معاملات کے بارے میں کچھ اہم فیصلے کرنے ہوں تو آپ کو پہلے اپنے شریک حیات سے مشاورت کرکے اس کی رائے ضرور حاصل کرنی چاہئے اور اس کے بعد ہی ان تمام معاملات کو حتمی شکل دینے کی کوشش کرنی چاہئے۔آج کسی ایسے فرد سے بھی ملاقات ہو سکتی ہے کہ جسے دیکھے بہت دن ہوچکے ہوں گے۔ اپنے کچھ ذاتی مسائل کی وجہ سے آپ کو اپنے طے شدہ شیڈول پر عمل کرنا مشکل ہوسکتا ہے جس کی وجہ سے آپ کے اہم معاملات تاخیر کا شکار بھی ہو سکتے ہیں۔ آپ کو اپنے کسی دوست کی جانب سے کسی نئے کاروبار میں شراکت داری کی پیشکش ہو سکتی ہے جس کی وجہ سے آپ کو خاصا مالی منافع ہو سکتا ہے۔
برج دلو: آج اپنی کاروباری ترقی اور بہتری کے لئے بنائے گئے منصوبوں کے نتائج حسب منشاء برآمد نہ ہونے کی وجہ سے آپ کی کامیابی کے امکانات معمول سے کم ہو سکتے ہیں اور دوسروں کے رویے سے آپ کے جذبات بھی مجروح ہوسکتے ہیں۔آج آپ کو اپنے معمولات کے بارے میں بھی سوچنا ہوگا اور ان کو لے کر ہی آگے بڑھنا فائدہ مند ثابت ہوگاکیونکہ آپ کے لئے آج یہی بہترین لائحہ عمل ہوگا اس کے علاوہ کسی بھی قسم کی باہمی محاذ آرائی یا مقابلہ بازی کے معاملات میں اپنے آپ کو ملوث نہ کرنا بھی بہتر ہوگا۔آپ کو اگر موقع مل سکے تو اپنے شریک حیات یا محبوب کے ساتھ شام کا وقت گزارنے کی کوشش کر کے اپنے بکھرے مسائل کو سنبھالنے کی کوشش کریں۔
برج حوت: آج آپ کو اپنے وجدان پر اعتماد کرتے ہوئے اپنے عملی اقدامات کو حتمی شکل دینی ہوگی اس کے علاوہ اپنے بکھرے معاملات کو نمٹانے اور مسائل کو حل کرنے کے لئے اپنے آئیڈیاز کو نئے سرے سے مرتب کرنا بھی ضروری ہوگا جبکہ اس کے بعد ہی اپنا شیڈول دوبارہ بنانا بہتر ہوگا۔ آج اپنے رشتہ داروں یا دوستوں کی جانب سے آپ کو کوئی خوشی کی خبر مل سکتی ہے جس کی وجہ سے آپ بہت خوش بھی ہوسکتے ہیں لیکن زیادہ خوشی کی وجہ سے آپ دوسروں سے کسی فضول قسم کی بحث و تکرار میں بھی ملوث ہو سکتے ہیں لیکن یا د رکھیں کہ ایسا کرنے سے نہ تو آپ کو کچھ حاصل ہو سکتا ہے اور نہ ہی آپ کی ذاتی حیثیت اور ساکھ میں کوئی اضافہ ہو سکتا ہے۔
