دعائے روز بدھ (سب)

تعریف اُسی اللہ کے واسطے ہے جس نے شب کو پردہ پوش بنایا اور نیند کو آرام بنایا اور دن کو پھیل جانے کا وقت ۔تیرے ہی لئے ہے تعریف کہ تو نے مجھے کو خواب گاہ سے اُٹھایا اور اگر تو چاہتا تو اُس کو ہمیشہ کا خواب گاہ بنادیتا ایسی تعریف جو ہمیشہ رہے اور منقطع نہ ہواور مخلوق اس کا شمار نہ کرسکے اے اللہ تیرے ہی لئے تعریف ہے تونے پیدا کیا اور درست بنایا اور مقدر کیا اور حکم لگادیا اور مارا اور جلایا اور بیمار کیا اور شفا دی اورسلامتی دی اور مبتلا کیا اور عرش پر غالب ہوا اور ملک پر چھاگیا میں تجھ سے اس طرح کی دُعا کرتا ہوں جس کا وسیلہ کمزور ہے اور اس کا حیلہ منقطع ہوگیا ہے اور اُس کی موت قریب آگئی ہے اور اُس کی دُنیاوی اُمید قریب ہوگئی ہو اور تیری رحمت کی اس کو اشد ضرورت ہو اور کمی کرنے کی وجہ سے اس کی حسرت بڑھ گئی ہو اور لغزش اور خطا میں اس کی زیادتی ہوگئی ہو اور تیری ذات سے اس کی توبہ خالص ہو پس نبیوں کے آخری نبیؐ محمدؐ اور ان کی طیب وطاہر آل پر رحمت بھیج اور مجھ کو شفاعت محمدؐ و آلِ محمدؐ کی عطا کر اور مجھ کو ان کی صبحت سے محروم نہ کر تحقیق کہ تو سب سے زیادہ رحم کرنے والا ہے اے اللہ بدھ کے روز میرے واسطے چار باتوں کاحکم دے اپنی اطاعت پر مجھ کو اعتماد دے اور اپنی عبادت میں مجھ کو خوشی دے اور اپنے ثواب کی مجھ کو رغبت دے اور مجھ سے وہ چیزیں دور کردے اور جو میرے واسطے تیرے تکلیف دہ عذاب کا باعث ہوں۔تحقیق کہ تو جس کو چاہے اس کو اچھی طرح کرسکتا ہے