دعائے روزِ سوموار (روزانہ)

اللہ کے نام سے جو رحمٰن و رحیم ہے۔ تعریف اس خدا کیلئے ہے کہ جس نے کسی کو گواہ نہیں بنایا جب کہ اُس نے آسمان اورزمین کو پیدا کیا تھا اور نہ کوئی مدد گار اختیار کیا جب کہ جانداروں کو پیدا کیا عبودیت میں اس کی شرکت ہرگز نہیں کی گئی اور نہ وحدانیت میں اس کی مدد کی گئی اس کی انتہائی تعریف سے زبانیں عاجز ہیں اور عقلیں اس کی معرفت کی حقیقت سے اور جبار لوگ اس کی ہیبت کے سامنے جھکے ہوئے ہیں اور اس کے خوفسے چہرے اترے ہوئے ہیں اور تمام بڑے لوگ اس کی عظمت کے تابع ہیں پس تیرے ہی لئے سب تعریفیں ہیں مواتر اور ایک دوسرے کے بعد ایک دوسرے سے بندھی ہوئی اور اس کی رحمت اس کے رسول پر ہمیشہ اور اس کا سلام ہمیشہ ہمیشہ اے اللہ میرے اس دن کے پہلے حصہ کو درستی قرار دے اور اس کے درمیانی حصہ کو نیکی اور اس کے آخری حصہ کو مطلب براری اور میں تیرے ذریعے سے اسدن سے پناہ مانگتا ہوں جس کا ابتدائی حصہ خوف ہو اور درمیانی حصہ بیقراری ہو اور جس کا آخری حصہ درد ہو اے میرے اللہ! تحقیق میں تجھ سے ہر اس نذر کو جو میں نے کی ہے بخشوانا چاہتا ہوں اور ہر اس وعدہ کو جو میں نے کیاہو اور ہر اس عہد کو جو میں نے کیا ہو پھر تیرے لئے اس کو پورا نہ کیا ہو اور میں تجھ سے تیرے بندوں کے مظالموں کی بابت سوال کرتا ہوں پس تیرے بندوں میں سے جس بندہ کا یا تیری لونڈیوں میں اسے جس لونڈی کا میری طرف مظلمہ ہو جس سے میں نے اس پر ظلم کیا خود اس پر یا اس کی آبرو پر یااس کے مال پر یا اس کے اہل پر اور اس کے فرزند پر یا کوئی غیبت کی ہو جس سے اس کی غیبت ہوتی ہو یا اس پر مشقت ڈالی ہو ۔میلان نفس یا خواہش یا کراہت یا غیرت یا ریا یا تعصب کی وجہ سے خواہ وہ غائب ہو یا حاضر ہو اور زندہ ہو یا مردہ ہو میرا ہاتھ عاجز ہو اور میری طاقت اس کو اس کے پاس واپس کرنے سے تنگی کرتی ہو اور اس سے بچا دینے سے پس میں تجھ سے سوال کرتا ہوں جو حاجتوں کا مالک ہے اور وہ حاجتیں اس کی مشیت کا حکم ماننے والی ہیں اور اس کے ارادہ کی طرف دوڑنے والی ہیں کہ تُو محمدؐ اور اس کی آل پر برکت نازل کر اور اس شخص کو مجھ سے راضی کردے جس طرح تو چاہے اور مجھ کو اپنے پاس رحمت عطا کر تحقیق بخشا تجھ کو نقصان نہیں پہنچاتا اور عطا کرنا تجھ کو ضرر نہیں کرتا اے تمام رحم کرنیوالوں سے زیادہ رحم کرنے والے اے اللہ مجھ کو ہر دو شنبہ کے روز دو نعمتیں اپنی طرف سے عطا کر ایک نیک بختی اس کے ابتدائی حصے میں اپنی فرمانبرداری کے سبب سے اور دوسری نعمت اس کے آخری حصے میں اپنی بخشش سے اے وہ جو وہی معبود ہے اور گناہ کو سوائے اس کے کوئی بخش نہیں سکتا