دعائے روز جمعرات (سب)

تعریف اس اللہ کے واسطے ہے جس نے اپنی قدرت سے رات کو ہٹایا جب کہ وہ اندھیری تھی اور دن کو اپنی رحمت سے روشن کیا اور اس کی روشنی کو مجھ پر اڑھا دیا اور اس کی نعمت مجھ کو دی اے اللہ پس جس طرح تو نے مجھ کو اُس دن کے واسطے باقی رکھا تو ایسے ہی اُن دونوں کے لیے بھی زندہ رکھ اور نبی محمدؐ اور اس کی آل پر رحمت بھیج اور میرا دل نہ دُکھا اُس دن میں اور نہ کسی اور رات اور دن میں حرام کام کے کرلینے سے اور گناہوں کے کرنے سے اور اُس دن کی بھلائی اور جو اس کے بعد ہوگا اس کی بھلائی مجھ کو عطا کر اوراس دن کی شر کو جو جو اُس میں ہے اور اس کے بعد والی شر کو مجھ سے ہٹااور اُس دن کی مجھ سے ہٹا اے اللہ میں اسلام کی ذِمہ داری کے ذریعہ سے تجھ سے توسل چاہتا ہوں اور قرآن کی حرمت کے واسطے سے تجھ پر اعتماد کرتا ہوں اور محمدؐ مصطفیٰ صلی اللہ علیہ وآلہ سے تجھ سے شفاعت چاہتا ہوں پس اے اللہ میرے ذمہ کو پہچان جس کے وسیلہ سے میں اپنی حاجت کے پورا ہونے کا ، اُمید وار ہوں اے سب سے زیادہ رحم کرنے والے اے اللہ میرے واسطے جمعرات کے دن پانچ چیزوں کا حکم دے جن پر تیرے کرم کے سوا اور کوئی قدرت نہیں رکھتا اور تیری نعمتوں کے سوا اُن پر کوئی طاقت نہیں رکھتا ایسی سلامتی عطا کر جس سے مجھ میں تیری فرمانبرداری کی قوت پیدا ہوجائے اور ایسی عبادت کی توفیق عطا کر جس سے میں تیرے بہت سے ثواب کا مستحق بنوں اور اسی وقت حلال روزی میں وسعت دے اور خوف کے موقعوں پر مجھ کو اپنے امن سے امن دے اور آنے والے تفکرات اور غموں سے مجھ کو اپنے قلعہ میں رکھ لے رحمت بھیج محمدؐ اور آلِ محمد پر اور اس کے توسل کو قیامت کے دن میرا شفاعت کرنے ولاا بنا اور نفع دینے والا تو ہی سب سے زیادہ رحم کرنے والا ہے