دعائے نور صغیر (سب)

شروع کرتا ہوں اللہ کے نام سے جو رحمٰن اور رحیم ہے اس اللہ کے نام سے جو ہر شئے کو روشن کرنے والا ہے اور اُس اللہ کے نام سے جو نور کا روشن کرنے والا ہے اور اُس اللہ کے نام سے جس کی روشنی ہر روشنی پر فائق ہے اور ہم اس اللہ کے نام سے شروع کرتے ہوئے۔ اپنے بگڑے ہوئے کاموں کے بننے کی تمنا کرتے ہیں جو تمام کا درست کرنے والا ہے ۔ اس اللہ کے نام سے جس نے پیدا کیا نور سے نور کو تمام تعریفیں اس اللہ کے لیے ہیں جس نے نور کو نور سے پیدا کیا اور نازل کیا نور کو طور پر اور اس گھر پر جو ہجوم ملائکہ سے آباد ہے اور اس بام فلک پر جو بہت بلند ہے جو کتاب کے کشادہ اوراق میں مذکور مزبور ہے جو کتاب علم وحکمت والے نبیؐ پر اُتری تمام تعریفیں اللہ کے لیے ہیں جو عزت اور بزرگی میں زباں زد ہے اور فخر میں مشہور زمانہ ہے اور تمام بندوں پر ہر خوشی اور غم کے نازل کرنے پر قابل شکریہ ہے خدایا محمد اور اُن کی پاک وپاکیزہ اولاد پر صلوٰۃ بھیج۔