دعائے روز اتوار (روزانہ)

اُس اللہ کے نام سے شروع کرتا ہوں کہ میں اُمید نہیں رکھتا مگر اسی کے فضل سے اور میں نہیں ڈرتا مگراس کے عدل سے اور میں بھروسہ نہیں کرتا مگر اسی کے قول پر اور نہیں پکڑتا مگر اسی کی رسی ۔ تجھ ہی سے پناہ مانگتا ہوں اے معافی اور رضا والے ظلم اور تعدّی سے اور زمانہ کے تغیرات سے اور حزن کے متواتر آنے سے اور سامان درست کرکے اور زادِ سفر مہیا کرنے کے قبل اور مدت عمر کے گذر جانے سے اور اس کام کی طرف ہدایت چاہتا ہوں جس میں درستی اور اصلاح ہو اور تجھ ہی سے اس کام میں امداد چاہتا ہوں جس میں حاجت روائی اور مطلب پورا کرنا قریب ہو ار تجھ ہی سے آرام کا لباس اور اس کے تکمیل کی خواہش کرتا ہوں اور سلامتی کے ساتھ رہنے اور اُس کے ہمیشہ رہنے کی اور پناہ مانگتا ہوں تیرے ذریعہ سے اسے رب شیطانوںکی اشارہ بازی سے اور تیرے غلبہ کے ذریعے سے بادشاہوں کے ظلم سے بچتا ہوں پس تو میری نماز اور میرا روزہ قبول کرلے اور میری آنے والی کل اور اس کے بعد والی دن کو میری اس ساعت اور میرے اس دن سے افضل قرار دے اور مجھ کو میرے قبیلے اور میری قوم میں عزت دے اور میرے جاگنے اور سونے میں میری حفاظت کر کیوںکہ تو اللہ اچھا محافظ ہے اور تو ہی رحم کرنیوالوں میں بڑا رحم کرنیوالا ہے اے میرے اللہ درحقیقت میں اپنے اس دن میں اور اس کے بعد آنے والے اتواروں میں تیرے سامنے مشرک اور کافر ہو جانے سے بری ہوجاتا ہوں اور تجھ سے خالص دُعا کرتا ہوں تاکہ تُو توبہ قبول کرلے اور تیری اطاعت کرتا ہوں اس اُمید سے کہ تیری طرف رجوع کروں پس محمد پر رحمت نازل کر جو تیری مخلوقات میں سب سے بہتر تھا تیرے حق کی طرف بلانے والا تھا اور اپنی عزت سے مجھ کو عزت دے جس پر ظلم نہیں ہوسکتا اور میری حفاظت اپنی اُس آنکھ سے کر جو کبھی نہیں سوتی اور میرے کام کو اس طرح سے ختم کرکہ میں تیرا ہی ہو جائوں۔ اور میری عمر کو بخشش پر ختم کر کہ تُو ہی بخشنے والا اور رحیم ہے