بہرے پن کے لئے دعا (سب)

اگر ہم اس قرآن کو کسی پہاڑ پر بھی نازل کرتے تو تم اسکو دیکھتے کہ خدا کے ڈر سے جھکا اور پھٹا جاتا ہے اور یہ مثالیں ہم لوگوں کو سمجھانے کے لیے بیان کرتے ہیں تاکہ سوچیں۔ وہ وہی خدا ہے جس کے علاوہ کوئی قابل عبادت نہیں ۔ پوشیدہ اور ظاہر جاننے کے والا ، وہی بڑا مہربان نہایت رحم والا ہے ۔ وہ وہی خدا ہے جسکے سوا کوئی معبود نہیں ، حقیقی بادشاہ ، پاک ذات ، ہر عیب سے بڑی ، امن دینے والا ، نگہبان ، غالب ، زبردست اور بڑائی والا ہے ۔ یہ لوگ جسکو اسکا شریک ٹھراتے ہیں اس سے پاک ہے ۔ وہی خدا تمام چیزوں کا خالق ، موجد اور صورتوں کا بنانے والا ہے اور اسی کے اچھے اچھے نام ہیں۔ جو چیزیں آسمانوں اور زمین میں ہیں سب اسکی تسبیح کرتی ہیں اور وہی غالب حکمت والا ہے