دعائے روز جمعہ (سب)

تعریف اُس خدا کے واسطے جو پیدا کرنے اور زندہ کرنے سے پہلے موجود تھا اور تمام چیزوں کے فنا ہوجانے کے بعد رہے گا۔ ایسا علیم ہے کہ جو اپنے ذکر کرنے والوں کو نہیں بھولتا اور اپنے شکر کرنے والے کو نہیں گھٹاتا اور اپنے دعا کرنے والے کو محروم نہیں کرتا اور جو اس سے آس لگائے اُس کی آس نہیں توڑتا ، یا اللہ میں تجھ کو گواہ کرتا ہوں اور تو ہی گواہی کیلئے کافی ہے اور تیرے تمام ملائکہ اور تیرے تمام آسمانوں میں رہنے والے اور تیرے عرش کے اُٹھانے والوں اور تمام اُن نبیوں اور رسولوں کو جن کو تو نے مبعوث کیا ہے اور قسم قسم کی مخلوقات کو تو نے پیدا کیا ہے گواہ کرتا ہیں امر کی گواہی دیتا ہوں کہ تو ہی اللہ ہے سوائے تیرے کوئی اللہ نہیں تو واحد ہے تیرا کوئی شریک نہیں اور نہ کوئی تیرے برابر ہے اور نہ تیرا قول خلاف ہوتا ہے اور نہ تبدیل ہوتا ہے اور تحقیق کہ محمد صلی اللہ علیہ وآلہٖ تیرا بندہ اور تیرا رسولؐ ہے بندوں تک اُس نے پہنچا دیا جو تو نے اس سے اُٹھوایا اور عزیز وجلیل اللہ کی راہ میں جیسی چاہیئے کوشش کی اور اُس نے اُس ثواب کی خوشخبری دی جو حق ہے اور اُس عذاب سے ڈرایا جو سچھ ہے اے اللہ مجھ کو اپنے دین پر جما ہوا رکھ جب تک میں زندہ رہوں اور ہدایت کرنے کے بعد میرے قلب کو ٹیڑھانہ کر اور مجھ کو اپنے پاس سے رحمت دے تحقیق کہ تو ہی بخشنے والا ہے محمدؐ اور محمدؐ کی آل پر رحمت بھیج اور ہم کو اس کے گرو ہوں اور جماعت میں سے قرار دے اور مجھ کو اُس کے گروہ میں محشور کر اور مجھ کو ہر جمعہ کے واجبات کے ادا کرنے اور جو اطاعت تو نے مجھ پر اس میں واجب کی ہے اُس کی اور جو تو نے جمعہ والوں کے واسطے قیامت کے دن بخشش تقسیم کی ہے اُس کی توفیق دے ۔ ضرور تو ہی غالب حکمت والا ہے