دعائے روز ہفتہ (سب)

شروع کرتا ہوں میں اللہ کے نام سے جو حفاظت چاہنے والوں کا کلمہ ہے اور بچائو چاہنے والوں کی گفتگو ہے اور اللہ تعالیٰ کے ذریعہ ظالموں کے ظلم اور حاسدوں کے مکر اور ظلم کرنے والوں کی بغاوت سے پناہ مانگتا ہوں اور میں اس کی حمد کرتا ہوں تمام حمد کرنے والوں سے زیادہ اے اللہ تو ہی واحد ہے بغیر شریک کے اور بادشاہ ہے بغیر مالک بنانے کے تیرے حکم کی مخالفت نہیں کی جاسکتی اور نہ تیری سلطنت میں تجھ سے جھگڑا کیا جاسکتا ہے میں تجھ سے درخواست کرتا ہوں کہ اپنے بندے اور رسولؐ پر رحمت بھیج اور اپنی نعمتوں کے شکر میں سے مجھ کو اس قدر دے دے جو مجھ کو تیری رضا کی حد تک پہنچا دے اور مجھ کو اپنی اطاعت اور ہمیشہ اپنی بندگی پر اور اپنے ثواب کا مستحق ہونے پر اپنی لطیفہ عنایت سے مدد دے اور مجھ پر رحم کر اپنے گناہوں سے مجھ کو روک کر جب تک کہ تو مجھ کو زندہ رکھے مجھ کو ان کاموں کی توفیق دے جو مجھ کو نفع دیں جب تک تو مجھ کو باقی رکھے اور اپنی کتاب سے میرے سینہ کو کشادہ کر اور اس کے پڑھنے سے میرا گناہ معاف کر اور مجھ کو سلامتی دے میرے دین میں اور میری جان میں اور میری دلچسپی والوں میں مجھ کو وحشتناک نہ کر اور اپنے احسان کو میری بقیہ زندگی میں پورا کر جیسا کہ تو نے گذشتہ زندگی میں احسان کیا اے سب سے زیادہ رحم کرنے والے