زیارتِ امام موسٰی کاظم علیہ السلام (تمام)

آپ پر سلام ہو ولی خدا اور ولی خدا کے فرزند، سلام ہو آپ پر اے حجت خدا اور حجت خدا کے فرزند، آپ پر سلام ہو اے برگزیدہ خدا و برگزیدہ خدا کے فرزند، آپ پر سلام ہو اے امین خدا اور امین خدا کے فرزند، سلام ہو آپ پر جو زمین کی تاریکیوں میں خدا کے نور ہیں، آپ پر سلام ہو اے ہدایت دینے والے امام، آپ پر سلام ہو اے دین و تقویٰ کے نشان، آپ پر سلام ہو اے نبیوں کے علم کے خزینہ دار، سلام ہو آپ پر اے رسولوں کے علم کے خزینہ، آپ پر سلام ہو اے گزرے ہوئے اوصیائ کے قائم مقام، آپ پر سلام ہو اے روشنی دینے والی وحی کے ممتاز عالم، آپ پر سلام ہو اے علم و یقین کے مالک، آپ پر سلام ہو اے رسولوں کے علم کے خزینے، آپ پر سلام ہو اے نیک امام، آپ پر سلام ہو کہ آپ پرہیزگار امام ہیں، آپ پر سلام ہو کہ آپ عبادت گزار امام ہیں، آپ پر سلام ہو کہ آپ امام ہیں سردار ہیں ہدایت دینے والے ہیں، آپ پر سلام ہو اے قتل ہونے والے اور شہید ہونے والے، سلام ہو آپ پر اے رسول خدا (ص) کے فرزند اور انکے وصی کے فرزند، آپ پر سلام ہو اے میرے آقا موسیٰ بن جعفر خدا کی رحمت ہو اور اسکی برکات ہوں ۔ میں گواہی دیتا ہوں کہ یقینا آپ نے وہ احکام پہنچائے جو آپکے پاس تھے، ان علوم کی حفاظت کی جو آپ کے سپرد ہوئے، آپ نے حلال خدا کو حلال اور حرام خدا کو حرام جانا، اور احکام الٰہی پہنچائے، اور کتاب خدا کی تلاوت کی، خدا کی خاطر مصیبتوں پر صبر کیا، راہ خدا میں جہاد کرنے کا حق ادا کیا یہاں تک کہ آپ شہید ہوگئے، میں گواہ ہوں کہ آپ اس راستے پر چلے جس پر آپ کے پاک ابائ اجداد چلے اور خوش کردار باپ دادا جو اوصیائ میں ہدایت دینے والے امام ہیں ہدایت یافتہ، آپ نے گمراہی کو ہدایت پر ترجیح نہ دی، اور حق سے باطل کی طرف نہیں گئے، میں گواہ ہوں کہ آپ نے خدا اس کے رسول (ص) اور امیرالمومنین (ع) کی خیرخواہی کی ، نیز آپ نے امانت پہنچائی، اور خیانت سے بچے رہے، آپ نے نماز قائم رکھی، اور زکوۃ دیتے رہے، آپ نے نیکی کا حکم دیا، اور برائی سے منع کیا، اور آپ نے خدا کی عبادت کی سچے دل اور پوری کوشش وہوش مندی سے یہاں تک کہ آپ شہید ہوگئے، پس خدا جزا دے آپکو اسلام ومسلمانوں کی طرف سے بہترین جزا اور اعلیٰ ترین جزا ۔ میں حاضر ہوں اے رسول خدا (ص) کے فرزند زیارت کرنے آپکے حق کو پہچانتے ہوئے، آپکی بڑائی کو مانتے ہوئے، آپکے علم سے بہرہ ور، آپکی ذمہ داری کے ماتحت، آپ کے روضہ کی پناہ لے کر آپکی ضریح کا اسرا لئے ہوئے خدا کے حضور آپ سے شفاعت کی خواہش، میں آپکے دوستوں سے دوستی آپکے دشمنوں سے دشمنی رکھتے ہوئے، آپکے شان اور مرتبے کو سمجھتے، اور اس ہدایت کو جانتے ہوئے جس پر آپ کار بند رہے، آپکے مخالفوں کی گمراہی سے آگاہ اور انکی بے سمجھی کو جانتے ہوئے جس میں وہ گرفتار تھے، قربان آپ پر میرے ماں باپ میری جان میرا کنبہ میرا مال اور میری اولاد، اے رسول خدا کے فرزند آپکے پاس آیا ہوں آپکی زیارت سے خدا کا قرب حاصل کرنے اور اسکے حضور آپ سے شفاعت کرانے کیلئے، پس میری شفاعت کیجیے اپنے رب کے سامنے تاکہ وہ میرے گناہ بخش دے، میرا جرم معاف فرما دے، میری برائیوں کو نظر انداز کر دے، اور میری غلطیوں کو مٹا ڈالے، وہ مجھ کو جنت میں داخل کرے، مجھ پر ایسی مہربانی کرے جو اسکے لائق ہے، اور بخش دے مجھے اور میرے بزرگوں اور میرے بھائیوں اور میری بہنوں اور تمام مومن مردوں اور مومنہ عورتوں کو بخش دے جو زمین کے مشرق و مغرب میں ہیں اپنے کرم اپنی عطا اور اپنے احسان کے ساتھ ۔ آپ پر سلام ہو اے میرے مولا اے موسیٰ بن جعفر خدا کی رحمت ہو اور اسکی برکات ہوں، میں گواہی دیتا ہوں کہ آپ ہدایت دینے والے امام اور راہ بتانے والے مدگار ہیں، بے شک آپ قرآن کریم کے حامل، آیات کی تاویل و مراد سے واقف، اور تورات و انجیل کے عالم ہیں، آپ صاحب انصاف دانشمند، اور سچ بولنے والے عمل کرنیوالے ہیں، اے میرے آقا خدا کے سامنے آپکے دشمنوں سے بیزاری ظاہر کرتا ہوں، اور آپ سے محبت کے وسیلے خدا کا قرب چاہتا ہوں، اور خدا رحمت کرے آپ پر آپکے باپ دادا پر آپ کے بزرگوں پر آپ کے فرزندوں پر اور آپ کے پیرو کاروں اور محبوں پر خدا کی رحمت ہو اور اس کی برکات ہوں ۔