اپنا پاس ورڈ دوبارہ ترتیب دینے کیلئے ، یہ فارم مکمل کریں:
حکومت
تفصیل: حضرت علی علیہ السلام نے (تحکیم کے قضیہ میں ) فرمایا، یہ لوگ کہتے ہیں کہ حکومت بھی اللہ کے علاوہ کسی کی نہیں ہو سکتی حالانکہ کسی نہ کسی حاکم کا ہونا ضروری ہے جس کے دورانِ حکومت مومن نیک عمل کریں گے اور فاجر اس میں بہرہ اندور ہو۔۔۔
الإمامُ عليٌّ (عَلَيهِ الّسَلامُ) ـ في قَضيّةِ التَّحْكِيم ـ : إنَّ هؤلاءِ يَقُولُونَ : لاَ إمْرَةَ ! وَلاَبُدَّ مِنْ أمِيرٍ يَعْمَلُ فِي إمْرَتِهِ المُؤْمِنُ ، وَيَسْتَمْتِعُ الفَاجِرُ.
حوالہ:(نہج السعادۃ جلد ۲ ص ۳۳۳ )
تفصیل: حضرت علی علیہ السلام نے فرمایا، لوگوں کی اصلاح صرف حکمران ہی کر سکتا ہے خواہ نیک ہو یا بد!
تفصیل: حضرت علی علیہ السلام نے فرمایا، یقیناً معاویہ عنقریب تم پر غالب آجائے گا،، لوگوں نے پوچھا : پھر آپؑ (امیرالمومنینؑ) اس سے جنگ کیوں نہیں کرتے؟ آپؑ نے فرمایا لوگوں کے لیئے کسی امیر کا ہونا ضروری ہے خواہ وہ نیک ہو یا بد!
تفصیل: حضرت علی علیہ السلام نے پوچھا، حروریہ (خوارج) کیا کہتے ہیں؟ لوگوں نے کہا وہ کہتے ہیں کہ : حکم صرف خدا کے لیئے ہے : امام علیہ السلام نے فرمایا! بیشک حکم صرف خدا کے لیئے ہی ہے لیکن زمین میں حکمران ہوتے ہیں، لیکن وہ تو یہ کہتے ہیں کہ امارات (حکمرانی) بھی نہیں ہے حالانکہ لوگوں کے لیئے ایک نظامِ حکومت کا ہونا ضروری ہے اگر حکومت اچھی اور نیک ہو تو مومن اس میں نیک عمل کر سکے گا ورنہ اگر (بری ہو گی تو) کافر اور بدکار اس عہد میں لذائز سے بہرہ اندوز ہوگا اور اللہ تعالٰی اس نظامِ حکومت میں ہر چیز کو اس کی آخری حدود تک پہنچا دے گا،
تفصیل: حضرت علی علیہ السلام نے فرمایا، لوگوں کے لیئے ایک حاکم کا ہونا ضروری ہے خواہ اچھا ہو یا بُرا، (اگر اچھا ہوگا تو) مومن اس کی حکومت میں اچھے عمل کر سکے گا اور (برا ہوگا تو) کافر اس کے عہد میں لذائز سے بہرہ اندوز ہوگا۔ اللہ تعالٰی اس نظامِ حکومت میں ہر چیز کو اسکی آخری حدود تک پہنچادے گا، اسی حاکم کی وجہ سے مال (خراج و غنیمت) جمع ہوتا ہے، دشمن سے لڑا جاتا ہے، راستے پر امن ہوتے ہیں اور قوی سے کمزور کا حق دلایا جاتا ہے یہاں تک کہ نیک حاکم (مر کر یا معزول ہو کر) راحت پائے اور برے حاکم (کے مرنے یا معزول ہونے ) سے دوسروں کو راحت پہنچے۔
تفصیل: رسولِ خداﷺ نے فرمایا، جب تمہارے حکمران نیک لوگ ہوں گے، تمہارے مالدار سخی ہوں گے، تمہارے معاملات شورٰی (باہمی مشوروں ) سے طے پاتے رہیں گے تمہارے لئے زمین کی پشت اس کے شکم سے بہتر ہوگی اور اور جب تمہارے حکمران برے لوگ ہوں گے، تمہارے مالدار لوگ بخیل ہوں گے، تمہارے معاملات عورتوں کے ذریعے طے ہوں گے تو تمہارے لیئے زمین کا شکم اس کی پشت سے بہتر ہوگا۔
تفصیل: روایت ہے کہ حضرت عبداللہؓ ابن عباس حضرت علی علیہ السلام کی خدمت میں حاضر ہوئے جب آپ اپنا جوتا گانٹھ رہے تھے اور آکر کہا: کچھ حجّاج آئے ہوئے ہیں اور آپؑ سے کچھ باتیں سننا چاہتے ہیں،، آپؑ نے فرمایا: خدا کی قسم! اس وقت میں ایک ضروری کام میں مصروف ہوں جو مجھے تمہارے ان حکومتی اُمور سے زیادہ پسند ہے، مگر یہ کہ کوئی حد قائم کروں یا باطل کو دور کروں۔
تفصیل: ابنِ عباسؓ کہتے ہیں کہ ذیقار کے مقام پر میں امیرالمومنین علی علیہ السلام کی خدمت میں حاضر ہوا۔ اس وقت آپؑ اپنا جوتا گانٹھ رہے تھے۔ انہوں نے مجھ سے پوچھا ابنِ عباسؓ! اس جوتے کی کیا قیمت ہے؟ میں نے کہا مولا! اس کی تو کوئی قیمت ہی نہیں،، آپؑ نے فرمایا خدا کی قسم یہ مجھے تمہاری حکومت سے زیادہ عزیز ہے، مگر یہ کہ میں اس کے ذریعے حق کو قائم کروں یا باطل کو دفع کروں۔۔۔۔،