اپنا پاس ورڈ دوبارہ ترتیب دینے کیلئے ، یہ فارم مکمل کریں:
عید
تفصیل: حضرت علی علیہ السلام کے بارے میں ہے کہ آپ نے ایک عید کے موقع پر فرمایا، عید صرف اس کے لیئے ہے جس کے روزوں کو اللہ نے قبول کیا ہو اس کے قیام (نماز) کو قدر کی نگاہ سے دیکھا ہو تو ہر وہ دن جس میں اللہ کی معصیت نہ کی جائے اس کی عید کا دن ہے۔
الإمامُ عليٌّ (عَلَيهِ الّسَلامُ) ـ قالَ في بَعضِ الأعيادِ ـ: إنَّما هُوَ عيدٌ لِمَن قَبِلَ اللّهُ صِيامَهُ وشَكَرَ قِيامَهُ، وكُلُّ يَومٍ لا يُعصي اللّهُ فيهِ فهُوَ عيدٌ.
حوالہ:(شرح نہج البلاغہ ابن ابی حدید جلد ۲۰ ص ۷۳)
تفصیل: سوید بن غفلہ کہتے ہیں کہ میں عید کے دن امیر المومنین علی علیہ السلام کی خدمت میں حاضر ہوا۔ اس کے سامنے دسترخوان بچھا ہوا تھا جس پر گندم کی روٹی رکھی ہوئی تھی اور ایک اور برتن میں دودھھ اور آٹے سے بنا ہوا کھانا تھا جسے چمچہ کے ساتھ جلدی جلدی تناول فرما رہے تھے میں نے حضرت کی خدمت میں عرض کیا : یا میرالمومنین! عید کا دن اور یہ کھانا! مولاؑ نے فرمایا : عید تو اس کی ہے جس کے گناہ معاف ہو جائیں۔
عن سُوَيدِ بنِ غَفلَة: دَخَلتُ عَلَيهِ [يَعني أميرَ المُؤمِنينَ (عَلَيهِ الّسَلامُ) [يَومَ عيدٍ، فإذا عِندَهُ فاثورٌ عَلَيهِ خُبزُ السَّمراءِ وصَفحَةٌ فيها خَطيفَةٌ ومِلبَنَةٌ ، فقُلتُ: يا أميرَ المُؤمِنينَ، يَومُ عيدٍ وخَطيفَةٌ؟! فقالَ: إنَّما هذا عيدُ مَن غُفِرَ لَهُ.
حوالہ:(بحارالانوار جلد ۴۰ ص ۳۲۶ حدیث ۷)
تفصیل: حضرت علی علیہ السلام نے فرمایا، ہر روز ہمارے لئے نوروز ہے۔
تفصیل: پیغمبرِ اسلام صلى الله عليه وآله وسلم کی شان یہ ہوتی تھی کی جب آنحضرت صلى الله عليه وآله وسلم عیدین کے سلسلے میں باہر نکلتے تھے تو بلند آواز سے تکبیر و تہلیل فرمایا کرتے تھے۔