اپنا پاس ورڈ دوبارہ ترتیب دینے کیلئے ، یہ فارم مکمل کریں:
عصمت
تفصیل: حضرت علی علیہ السلام نے فرمایا، جسے عصمت کا الہام ہوگیا وہ (خطاؤں اور) لغزشوں سے محفوظ ہوگیا۔
الإمامُ عليٌّ عليهالسلام : من اُلهِمَ العِصمَةَ أمِنَ الزَّلَلَ .
حوالہ:(میزان الحکمت جلد ۶ ص ۵۰۹ ۔۔ غررالحکم)
تفصیل: رسولِ خداﷺ نے فرمایا، اللہ جلّ شانہ اس شخص کو بچا لیتا ہے اور اپنے ساتھ وابستہ کر لیتا ہے جو اس کی اطاعت کرتا ہے اور جو اس کی نافرمانی کرتا ہے اسے اپنے ساتھ وابستہ نہیں کرتا۔
تفصیل: حضرت علی علیہ السلام اپنی مناجات میں فرماتے ہیں۔۔۔۔ بارِ الٰہا! تیرے ساتھ وابستہ ہوئے بغیر گناہوں سے بچنے کا کوئی اور راستہ نہیں، تیری مشیت کے بغیر نیک اعمال تک رسائی کی کوئی راہ نہیں۔ جہاں میرے متعلق تیری مشیت نہ ہو میں کیونکر اعمالِ خیر بجا لا سکتا ہوں! اور جہاں تیری وابستگی نہ ہو میں گناہوں سے کیونکر بچ سکتا ہوں۔
الإمامُ عليٌ (عَلَيهِ الّسَلامُ) ـ في مُناجاتِهِ ـ: إلهي ، لا سَبيلَ إلي الاحتِراسِ مِنَ الذَّنبِ إلّا بِعِصمَتِكَ ، ولا وُصولَ إلي عَمَلِ الخَيراتِ إلّا بِمَشِيئَتِكَ ، فكَيفَ لي بِإفادَةِ ما أسلَفتَني فيهِ مَشيئَتَكَ ؟! وكَيفَ لي بِالاحتِراسِ مِنَ الذَّنبِ ما إن لَم تُدرِكْني فيهِ عِصمَتُكَ؟!
تفصیل: امام علی رضا علیہ السلام نے فرمایا، وہ (امام) معصوم ہوتا ہے، اللہ کی طرف سے تائید شدہ ہوتا ہے، توفیقِ الٰہی اس کے شاملِ حال ہوتی ہے، سیدھی راہ پر ہوتا ہے، خطاؤں، لغزشوں اور بے راہروی سے محفوظ ہوتا ہے۔ اللہ تعالٰی اُسے یہ خوبیاں اس لئے عطا فرماتا ہے کہ وہ اس کے بندوں پر حجت اور شاہد گواہ ہو۔